Nagpanawagan si Pope Leo XIV nga untaton na ang kinagamo nga nagakatabo sa tunga sang Ukraine kag Russia.
Suno sa Santo Papa madamo sang mga inosente nga mga tawo ang nagakalamatay kag nagakadalahig sa amo nga inaway.
Pahayag pa sang Santo Papa nga dapat sundon kag respetuhon ang international law, agud nga masolusyunan sang nagakadapat nga mga tikang ang amo nga pag-inaway.
Nahibaluan nga suno sa United Nations masobra na sa 16,000 ka mga sibilyan ang nagkalamatay kag kalabanan nga mga biktima ang halin sa Ukraine.
Pahayag naman sang UN human rights nga sang nagligad nga bulan sang Hulyo mas nagtaas pa gid ang numero sang mga indibidwal nga nasamaran kag nagkalamatay nga sibilyan sa Ukraine.
Nagapanguna nga rason sini amo ang madamo nga pag-atake gamit ang mga drone.
