Nagapangabay ang local government unit sang Nueva Valencia, Guimaras sa mga pumuluyo nga magkooperar samtang nakapaidalom pa ang duha ka sitio sang isa ka barangay sa surgical lockdown.
Ang surgical lockdown ang ginpatuman sa mga porsyon sang Sitio Central kag Sitio Landasan sa Barangay Magamay sa amo nga banwa.
Ini ang kabahin sang preventive measure agud matapna ang pagdugang sang COVID-19 cases.
Ginapahayag nga ang index case amo ang isa ka doktor kag ang asawa sang amo nga doktor ang napatay sa cardiac arrest kag sang ulihi natukiban nga infected man sa virus.
Sa interview sang Bombo Radyo kay Vice Mayor Atty. Paul Vincent Dela Cruz, iya ginpahayag nga sa ginpatigayon nga contact tracing, naggwa nga nadugangan pa ang numero sang mga nagpositibo sa coronavirus.
Wala sang kumpirmasyon halin sa opisyal kun pila ang nagpositibo apang sa inisyal nga impormasyon sang Bombo Radyo, walo ang nagdugang sa mga kaso.
This is a developing story.
