Ginpahayag sang Malacañang nga wala pa gina-konsiderar ni Presidente Rodrigo Duterte ang pagpatawag sang special session sa Kongreso agud nga mapahanugutan ang mga mamalidha nga aktuhan ang hagna nga ginaduso agud nga sabton ang problema sa asud-asud nga pagsaka sa presyo sa gatong.
Si House Deputy Speaker kag 1-Pacman party-list Rep. Michael Romero ang nagduso para buhinan ukon i-suspinder ang excise taxes sa presyo sang produktong petrolyo.
Suno naman kay acting presidential spokesperson Karlo Alexi Nograles, wala pa sang pronouncement halin sa Office of the President.
Kinahanglan anay suno kay Nograles nga maghangpanay ang Senado kag ang Kamara antes mag-reach out sa kay Presidente Duterte.
Anum ka adlaw na lang ang nabilin sa Kongreso agud nga talakayon ang mga pending nga hagna sa ila nga chambers.
Ginpatigayon sang Pebrero 4 ang adjournment session agud nga hatagan sang ligwa ang May 2022 elections nga campaign period. Tubtub sa Mayo 8 ang pagpangampanya, kag sa Mayo 23 pa magabalik ang session sang Kongreso. ##
