ILOILO CITY- Ginpadayaw ni President Ferdinand R. Marcos Jr. ang resulta sang iya working visit sa Berlin, Germany kag state visit sa Prague, Czech Republic nga nagtuyo nga pabakuron ang commitment sang administrasyon sa pag- enhance sang global ties kag strategic partnerships, kag maghimo sang oportunidad para sa kooperasyon kag pagsanyog.
Ini ang kaundan sang iya arrival speech kadungan sang iya pag-abot kag sang bug-os nga delegasyon sa Villamor Airbase.
Suno sa presidente, ang iya trip sa Berlin ang nagsentro sa mga butang nga mutual para sa Pilipinas kag Germany, kaangay sang pagtib-ong sang rule of law kag rules-based international system.
Ang pagbisita nagsentro man sa kooperasyon sa kalinong, development, defense, maritime affairs, trade, investment, raw materials, renewable energy, climate change kag labor.
Sa Czech Republic, ginlantaw ni Marcos ang mga pamaagi agud ma- boost ang bilateral ties sa trade, investment, defense, agriculture, renewable energy, transport kag cultural exchange.
Gin-highlight man niya ang pagpakigkita niya sa mga German kag Czech business leaders nga nagresulta sa madamo nga kasugtanan sa negosyo.
Ginkalipay man niya ang pagpakigkita niya sa Filipino communities sa Berlin kag Prague.
