Pat-ud nga wala pa siguro sa inyo nakabati kag nakabasa sang isa ka press conference nga naglawig sang masobra tunga sa adlaw.
Pero subong may mabatian kag mabasahan na kamo.
Didto sa Maldives, naghimo sang record ang ila lider nga si President Mohamed Muizzu matapos nagpatigayon ini sang isa ka press conference sang malapit sa 15 ka oras.
Ginsiling niya nga gin-guba sini ang previous record ni Ukrainian leader Volodymyr Zelensky.
Si Muizzu, 46, ang nagsugod sang iya marathon press conference sang Sabado sa 10:00 am kag nagpadayon tubtob sa 14 hours kag 54 minutes.
Ang conference nag-extend sang lapaw na sa tungang-gab-i.
Sang October 2019, ang Ukraine’s National Records Agency nag-claim nga ang 14-hour press conference ni Zelensky ang nagguba sang una nga record sang kapin pito ka oras nga gin-uyatan sang Belarusian strongman Alexander Lukashenko.
Ginhimo ni Muizzu ang press conference sa intension nga mandungan man ini sa World Press Freedom Day sang Sabado.
Diri ginkilala niya ang crucial role sang press sa sosyodad kag ang importansia sang matuod, balanse kag patas nga reporting.
Kapin 20 naman ka mga reporters ang nagtambong sa amo nga event.
