May indikasyon nga possible may ara sang rollback sa presyo sang langis base sa apat ka adlaw nga trading sini nga semana.
Ini ang ginpahayag ni Energy Secretary Sharon Garin.
Apang, gin-athag sang tiglikom ang lima ka adlaw Lunes tubtob Byernes ang basehan nga opisyal nga computation.
Suno kay Garin, kun magapadayon ang trend, pwede nga mabuhinan ang presyo sini.
Apang, possible nga magabag-o pa ang pagtaas sini.
Dugang pa sini, iga-anunsyo ang opisyal nga adjustment subong nga adlaw agud mabuhinan ang spekulasyon.
Nagalaom ang DOE nga ang possible nga rollback, dala na ang subsidiya nagikan sa LTFRB ang makabulig sa mga sector sang public transportation.
Dugang pa ni Garin, nagalaom man ini sang rollback nga isa sa mangin manami nga balita matapos ang pila ka semana nga sunod-sunod nga pagtaas sang presyo sang gatong.
