ILOILO CITY- Kumpyansa si Police Regional Office 6 Regional Director Police Brigadier General Jack Wanky nga ginatungdan niya sang mayo ang iya responsibilidad bilang director sang mga kapulisan sa Western Visayas.
Sa interview sang Bombo Radyo kay Police Brigadier General Jack Wanky, iya ginpahayag nga ang pagka-director isa ka commanding position rason man nga madamo ang mga nagahandom sa amo nga pwesto.
Suno man kay Wanky, kun may mga nagahandom man nga siya ang pahalinon sa pwesto, ini bangud sa mga tawo nga nahisa sa positibo nga resulta sang iya kampanya kontra sa illegal nga droga kag illegal gambling.
Dugang man ni Wanky, sa subong wala pa man ini sang may nabatian nga may yara sang plano nga pagabuslan siya sa pwesto.
