ILOILO – Gindayaw ni Police Regional Office 6 Regional Director PBGen Rene Pamuspusan, ang kapulisan sa probinsya sang Guimaras matapos ang nangin matawhay nga pagsug-alaw nila sang bag o nga tuig.
Sa interview sang Bombo Radyo kay Guimaras Police Provincial Office Director Police Colonel Hector Maestral, iya ginpahayag nga nangin kutento ang Regional Director sa nakita niya matapos ang ginpatigayon ng inspeksyon sa mga Police station sa Guimaras.
Suno kay Maestral, ginbasehan ni Pamuspusan sa pag-inspeksyon amo ang tatlo ka mga butang.
Una na diri ang “tamang bihis”, sa diin nakadapat nga presentable ang mga kapulisan kag nakasuksok sang uniporme agud gilayon nga makilala.
Ika duha ang “cops on black” sa diin gina deploy ang mga kapulisan sa mga lugar nga masami ginakadtuan sang tawo.
Ikatatlo ang “squading system” nga katuyuan nga pabaskugon ang koneksyon sa mga kapulisan.
Dugang sang natungdan, nagpanugyan si Pamuspusan sa mga kapulisan nga mangin alerto sa ano man nga tion kag nagakadapat nga sila mismo ang mangin modelo nga sundon sang mga pumuluyo.
