Nakarekord sang P2.4 bilyon nga kita ang programa sang gobyerno nga P20 kada kilo nga bugas halin sang ginlunsar ini sang Mayo 2025.
Suno sa Department of Agriculture (DA), ang programa nga “Benteng Bigas, Meron Na!” nakabulig sa kapin 12 milyon ka manugbakal sa nagkalain-lain nga bahin sang Pilipinas.
Sa kabug-usan, nakalab-ot naman sa P4.42 bilyon ang nabaligya sang KADIWA halin Hulyo 2022 tubtob Hulyo 20, 2026.
May yara na ini sang 805 ka aktibo nga ginabaligyaan sang barato nga bugas, lakip ang 295 ka lugar nga may regular nga schedule sang pagbaligya.
Ginpahayag sang DA nga ang tinutuyo sang programa amo ang paghatag sang mas barato nga bugas para sa mga sektor nga nagakinahanglan, samtang ginabuligan man ang mga lokal nga mangunguma.
Nahibaluan nga ang ginabaligya nga bugas nagahalin sa suplay sang National Food Authority (NFA) kag may presyo nga P20 kada kilo paagi sa bulig sang subsidiya sang gobyerno.
