ILOILO CITY – Preparado na ang Iloilo Provincial Government sa pag-abot sang mga Ilonggo Overseas Filipino Workers nga nastranded sa Manila.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginapatigayon na nila subong ang tanan nga lihok agud mabuligan ang mga repatriated OFW’s.
Suno kay Defensor, nakig-angot naman sa ila ang pila ka mga Catholic School sa diin nagpasalig sila nga ipahulam ang ila mga eskwelahan bilang quarantine facility sa mga OFW nga ipaidalom sa 14 ka adlaw nga quarantine.
Dugang sang natungdan, plastado na ang pagsugat nila sa 57 ka mga OFW sa diin gilayon man sila nga ipaidalom sa COVID-test agud matsekyar nga negatibo sila sa nasambit nga virus.
Nakahanda naman ang mga hotels nga pagahamtangan sang mga repatriates.
