ILOILO CITY Nagsugod na ang Public Safety and Transportation Management Office sa pagpanakop sang mga pasaway nga driver sang tricycle sa syudad sang Iloilo.
Sa interview sang Bombo Radyo kay Public Safety and Transportation Management Office head Jeck Conlu, iya ginpahayag nga pagadakpon ang mga pasaway nga driver lakip na ang pag-impound sang mga tricycle.
Suno kay Conlu, indi makuha sang driver ang ila tricycle tubtob nga indi matapos ang Expanded Enhanced Community Quarantine.
Ginpahayag ni Conlu nga wala sang mandato nga makabyahe ang mga tricycle bangud ang tanan nga Public Utility Vehicles ang ginadumili-an nga magbyahe.
