Ginaplanuhan nga indi pagpasugtan nga magmaneho sang modernized jeepney units sa Iloilo City ang mga drivers nga indi makapasar sa training ukon accreditation.
Sa interview sang Bombo Radyo kay Mr. Jeck Conlu, head sang Public Safety and Transportation Management Office, iya ginpahayag nga lakip ini sa gina-diskusyunan kaupod sa Land Transportation Office, Land Transportation Franchising and Regulatory Board, kag mga transport cooperatives.
Ini kaangot sa gihapon sa mga reklamo nga nabaton sa ginpahayag “haras-haras” nga pagpang-drive sang mga nagadala sang modernized jeepneys kun sa diin ginapahayag nga masami naga-overtake kag naga-gulpi sa pagliko.
Sa bahin ni Conlu, ginpahayag sini nga pabor siya nga mapaidalom sa trainings kag seminar ang mga driver para sa responsable nga pagmaneho sa dalanon kag para man sa safety sang mga pasahero.
Positibo man ang natungdan nga kun may full implementation na ang Enhanced Local Public Transport Route Plan, maka-amat-amat naman sa pag-adjust ang mga drivers sang modernized nga mga jeep.
