ILOILO – Ginlunsyar sang Iloilo Provincial Social Welfare and Development Office (PSWDO) ang MOVE ukon ang MEN OPPOSED to VIOLENCE against Women EVERYWHERE.
Sa interview sang Bombo Radyo kay Dr. Neneth Pador, head sang PSWDO, iya ginpahayag nga ini nga inisyatibo ang nagatuyo nga tapuson na ang anuman nga porma sang kalain batok sa kababayihan kag tipunon ang mga Ilonggo nga kalalakihan nga maghambal batok diri.
Ang aktibidad ang ginbuylugan man sang mga lalaki nga halin sa nagkalain lain nga banwa sa probinsya kag mga employees sang Iloilo Provincial Capitol.
Suno kay Pador, nadiskusyunan man ang tuhoy sa mga rason kag sintomas sang depression, bangud santu sa record mas madamo sa kalalakihan ang nabiktima sang depression ipaanggid sa mga babayi.
Ini nga aktibidad ang ginpatigayon kaangot sa pagsaulog sang International Men’s Day.
