Pulis nga nagtuyo kuntani nga sunugon ang ila balay sa Estancia apang naluthangan-patay sang nagresponde nga otoridad, na-dismiss sa police service sang 2021, may duha ka administrative cases — PRO 6

Ginkumpirma sang Police Regional Office (VI) nga 2021 pa na-dismiss sa serbisyo si Leonidiz Labaroza, ang pulis nga nagtuyo kuntani nga sunugon ang ila balay sa Brgy. Bayuyan, Estancia, Iloilo apang natiruhan-patay sang nagresponde nga pulis.

Sa interview sang Bombo Radyo kay Pol. Lt. Col. Arnel Solis, spokesperson sang PRO 6, iya ginpahayag nga pinakaulihi nga nangin assignment ni Labaroza amo ang Regional Personnel Holding and Accounting Unit (RPHAU).

Napa-guwa ini sa police service bangud sa duha ka counts sang administrative case nga conduct unbecoming of a police officer.

Indi man makumpirma sang PRO 6 ang impormasyon nga naglain ang pinsar sini.

Sa pihak nga bahin, ginpahayag ni Solis nga nagapaayo naman subong si Patrolman Jason Villamor, ang pulis nga nag-angkon sang pilas sa nawala ng abaga matapos ginbatuan ni Labaroza sang nagresponde ini sa lugar.