ILOILO CITY – Nagkomiter si Punong Barangay Woody Delariarte sang Barangay Kauswagan, Iloilo City Proper nga mauna man siya sa pagpabakuna batok sa COVID-19.
Sa interview sang Bombo Radyo kay Delariarte, iya ginpahayag nga bilang opisyal sang barangay, luyag man niya nga mangin ehemplo sa iban nga mga tawo.
Sa Barangay Kauswagan, halos 25% lang sa total population ang handa nga magsuporta sa mass vaccination program suno kay Delariarte.
Ginpasalamatan man ni Delariarte ang The Bombo COVID-19 Vaccine Literacy Program nga amo ang nagahatag sang kaathagan sa mga pumuluyo paagi sa mga invited vaccine experts nga amo ang naga-address sa palamangkutanon sang nanuhay-tuhay nga sektor.
Bwas, Pebrero 20, patigayunon ang ikatatlo nga hugnat sang The Bombo COVID-19 Vaccine Literacy Program sang Bombo Radyo Iloilo.
Nagpasalig man si Iloilo City Mayor Jerry Treñas nga bug-os ang iya mga suporta agud lang nga mahatagan sang klaro nga mga sabat ang mga tawo.
