ILOILO CITY- Ginsuspend ang Punong Barangay sang San Jose,Jaro, Iloilo City bangud sa kaso nga grave misconduct.
Ini amo si Punong barangay Maria Lean Palonpon.
Ang nagpasaka sang reklamo amo si Edna Nery,residente man sang nasambit nga barangay.
Sa interview sang Bombo Radyo kay 1st brgy Kagawad Arvin Zerrudo nga amo ang nagapungko nga OIC Punong barangay bulos kay Palonpon, iya ginpahayag nga nag-ugat ang reklamo sang nagapungko pa lang bilang barangay kagawad si Palonpon.
Suno sa iya, base sa reklamo, ginaalegar nagkolekta si Paolonpon sang P2,400 pesos para sa barangay clearance nga wala sang otoridad, wala sang official receipt kag wala gin-turn over sa treasurer ang koleksyon nga mas mahal sa standard rate nga gin-set sang barangay.
Ang nasambit nga suspension order ang ginpapanaog sang Office of the Ombudsman.
