Pormal na nga gin-anunsyo sang World Athletics ang pag suspinde nila sang track and field qualification para sa Tokyo Olympics tubtob sa Desyembre 1 bangud sa Coronavirus pandemic.
Una na nga nakansela ang nasambit nga hampang humalin sang summer tubtob 2021 bangud man sa kahangawa sa COVID-19.
Suno kay Sebastian Coe, presidente sang World Athletics, paagi sa pagsuspinde sang hampang mas mahatagan sang madamo nga tiyempo ang mga atleta agud magpreparar.
Samtang magapabilin naman nga kwalipikado ang mga atleta nga una na nga nakasulod sa qualification standards.
Nahibaluan nga ginpa-untat man ang global rankings sang World Athletics.
Natalana nga magsugod sa Hunyo ang qualifying round apang wala nadala ang anuman nga resulta sang hampang antes pa man ang restart nga petsa.
