BACOLOD CITY – Indi pa makumpirma sang Police Regional Office 6 ang kabangdanan sang re-assignment ni Pol. Lt. Col. Jovie Espenido.
Ini matapos nga gin-relieve si Espenido sa iya pwesto bilang pinuno sang Bacolod City Drug Enforcement Unit kag Deputy Director for Operations sang Bacolod City Police Office.
Sa interview sang Bombo Radyo Bacolod kay Pol Lt. Col Joem Malong, tagpamaba sang Police Regional Office 6, iya ginpahayag nga santo sa relief order na napetsahan sang Pebrero 5, iga-designar si Espenido sa Office of the Chief sang Philippine National Police.
‘Immediate’ man ang mandu ukon dapat nga ipatuman sa labing madali nga panahon.
Suno kay Malong, ang amo nga relief order ang ginpirmahan ni Police Major General Reynaldo Biay sang Personnel and Records Management.
Nahibaluan nga sang Hwebes sang gab-i, nakaupod pa si Espenido sa isa ka buybust operation sa Bacolod City.
Si Espenido ang gin-designar ni Presidente Rodrigo Duterte sa Bacolod City sang Oktubre 2019 agud mamuno sa pagtapna sang iligal nga droga.
