Ginpanginwala ni Vice President Sara Duterte ang mga alegasyon ni Ramil Madriaga sa impeachment hearings sa Kamara, ilabi na ang pahayag nga nagpangayo ini sang bulig samtang sa law school pa lang ini agud papasaron.
Suno kay Duterte, naghimakas ini agud nga makatapos sa kolehiyo kag wala ini sang may ginpangayuan sang bulig.
Ginpahayag man sini nga nakapasar ini sa Bar sa una nga pagkuha sini nga may GWA nga 80, nga mas mataas sa passing mark.
Gintawag naman ni VP Sara si Madriaga nga “bar flunker” kag suspek sa kidnapping.
Gin-akusaran man sini ang pila ka miyembro sang House nga nagaengganyo sang pang-abuso kag korapsyon paagi sa amo nga proseso.
Ginpakamalaot naman sang abogado ni VP Duterte nga si Atty. Paulo Panelo Jr. ang mga alegasyon ni Madriaga sa Bise Presidente.
Suno pa kay Panelo nga wala sa posisyon si Madriaga nga maghatag sang kaangay nga pahayag bangud wala man ini sang pamatuod nga nagatrabaho gid man ini sa Bise Presidente.
