ILOILO CITY – Plano nga i-display sa publiko ang duha ka mga gown nga gingamit ni Rabiya Mateo sa iya pagdaog sa Miss Universe Philippines 2020.
Sa exclusive interview sang Bombo Radyo sa designer nga si JunG Candelario sang Lemery, Iloilo, iya ginpahayag nga sa subong, ara pa sa Manila ang puti kag pula ka gown nga may mga swarovski crystal beads.
Suno kay Candelario, high value para sa iya ang nasambit nga mga gown.
Lunsay naman mga light materials ang gingamit sa nasambit nga mga gown kag ang kapa ang request mismo ni Rabiya.
Nahibaluan nga mismo si Rabiya ang nagpili sang gown nga iya ginsuksuk sa coronation sa diin iya ini ginakabig nga red winning gown.
Ang pula nga gown ang isa ka bulan nga ginhimo samtang ang puti naman nga gown nga gingamit sa preliminary competition ang isa ka semana lang nga gintahi.
