Nagpanawagan si Iloilo City Lone District Rep. Julienne Baronda sa Department of the Interior and Local Government kag sa Ombudsman nga imbestigaran ang ginaalegar pagsakit ni Punong Barangay Gemma Calzado kay SK Kagawad Lorence Galvez sang Kasing-kasing, Molo.
Sa statement ni Rep. Baronda, ginsiling sini nga kinahanglan sang isa ka matul-od nga impartial nga imbestigasyon sa natabo.
Pahayag ni Baronda, mas kinahanglan sang mga pumuluyo ang mga lider nga magaprotekta sa ila.
Ini man ang tion suno sa iya nga indi mahadlok ang pumuluyo kag isugid kun ano man ang dapat mahibaluan sang publiko.
Ginkondenar kag gintawag ni Iloilo City Councilor Sheen Marie Mabilog nga “abuse of authority” kag “betrayal of public trust” ang ginaalegar pagsakit ni Kasing-kasing, Molo Punong Barangay Gemma Calzado kay SK Kagawad Lorence Galvez sang amo man nga barangay.
Sa facebook post ni Councilor Mabilog, iya ginpahayag nga ginbutang sa posisyon ang mga barangay officials agud protektahan ang mga pumuluyo kag indi pagsakiton.
Suno sa iya, wala sang kinamatarong ang sin-o man nga kapitan nga manakit bangud ang posisyon ang wala ginahatag para mang-abuso ukon magpaka-poderoso.
Dugang ni Mabilog, ki𝐧𝐚𝐡𝐚𝐧𝐠𝐥𝐚𝐧 𝐧𝐚 nga 𝐦𝐚𝐮𝐧𝐭𝐚𝐭 𝐚𝐧𝐠 𝐩𝐚𝐠𝐩𝐚𝐦𝐢𝐠𝐨𝐬 𝐤𝐚𝐠 𝐩𝐚𝐠𝐩𝐚𝐡𝐨𝐠 𝐬𝐚 𝐩𝐮𝐦𝐮𝐥𝐮𝐲𝐨 𝐩𝐚𝐫𝐚 𝐥𝐚𝐧𝐠 𝐬𝐚 𝐩𝐮𝐥𝐢𝐭𝐢𝐤𝐚.
Suno pa sa konsehal, wala dapat ginatolerar ini nga akto.
Nagpagwa man sang iya reaksyon kag pagkondenar si former Iloilo City Mayor Jed Patrick Mabilog.
Suno kay Mabilog, sa bisan ano nga anggulo, maathag nga paglapas sa layi ang pagpanakit sa kabataan.
Pahayag niya, mas makatulublag pa gid ini bangud isa ka opisyal sang gobyerno ang may kahimuan.
Dugang sang anay alkalde, dapat nga i-hold accountable ang sin-o man nga nagatolerar kag nagasuporta sa sini nga sahi sang buluhaton.
