Nagnubo sang 79% ang kita sang mga puerto sa gintalikdan nga bulan sang Marso bangud sa epekto sang Coronavirus Disease 2019 pandemic.
Suno kay Philippine Ports Authority General Manager Jay Daniel Santiago, apisar nga padayon ang ila nga operasyon para sa mga shipment wala naman ginatugutan nga makabyahe ang mga de pampasahero nga mga barko.
Nahibaluan nga sang gintalikdan nga tuig nakarecord ang Philippine Ports Authority sang P7.280 bilyon nga revenue.
Sa pagbanta ni Santiago, apisar nga magbalik na sila sa full operation, indi mangin mahapos nga mabalik ang bilyon-bilyon nga napierde sang mga puerto sa pungsod.
Gin-ako man sang natungdan nga apisar nga mabalik na ang byahe sang mga barko, tunga lang ang tugutan nga makasakay sa mga passenger vessel tubtob nga i-rekomenda na sang Department of Health nga mahimo na sila makapitagayon sang normal operation.
