ILOILO CITY- Pilason ang isa ka rider matapos nga nagsab-it ang iya nga liog sa nagalaylay nga cable wire sa dalan sa Lipa City, Batangas.
Ang biktima amo si Mark Macasaet.
Suno kay Macasaet, padulong ini sa balay sang iya nga nobya sa Barangay Latag sang natabo ang insidente sa Barangay Antipolo Del Sur.
Pahayag niya, ulihi na sang iya nasiplatan ang kable kag wala na niya ini nalikawan pa.
Bangud sini, apat ka adlaw gid nga wala nakatrabaho ang biktima.
Nagpanawagan man ini sa kompanya nga tag-iya sang kable nga kay-uhon ini agud indi na makadisgrasya pa sang iban nga tawo.
