Nagpanawagan si Senator Robin Padilla nga indi pagbansagan nga terorista ang anay Supreme Leader sang Iran nga si Ayatollah Ali Khamenei.
Suno kay Padilla, kun may Santo Papa, may yara man sang spiritual leader ang mga Muslim kag ini amo si Ali Khamenei.
“Hindi lamang po siya isang matatawag na lider ng isang bansa — spiritual leader po. Kung mayroon po kayong tinatawag na Pope, mayroon din po kaming tinatawag na spiritual leader,” suno sa senador.
Napatay si Ali Khamenei sa una nga adlaw sang pag-atake sang US kag Israel sa Tehran sang Pebrero 28.
Gindeklarar naman ang iya anak nga si Mojtaba Khamenei nga amo ang nagbulos sa posisyon.
Ang Supreme Leader amo ang “Supreme Leadership Authority”, ang de jure head sang state, kag ang pinakamataas nga political kag religious authority sang Iran nga mas mataas pa sa presidente.
Napaidalom sa iya ang armed forces, judiciary, state radio and television, kag iban pa nga government organizations kaangay sang Guardian Council and Expediency Discernment Council.
Sandig sa constitution, ang supreme leader amo ang naga-deliher sang general policies sang Islamic Republic, naga-supervise sa legislature, judiciary, kag sa executive branches.
