Ginhingadlan si Mojtaba Khamenei bilang bag-o nga Supreme Leader sang Iran.
Anak siya ni Ayatollah Ali Khamenei, ang anay Supreme Leader sang Islamic Republic nga napatay sang gin-atake sang Israel kag Estados Unidos sang Amerika ang iya compound sa Tehran sang nagligad nga semana.
Suno sa Assembly of Experts ukon ang panel sang Shia clerics nga amo ang responsable sa idalom sang Iranian law sa pagpili sang top leader, ginpili si Mojtaba Khamenei bilang ikatatlo nga leader sang ila nga republika. Gin-report na ini sang IRIB state TV kag Fars, Tasnim kag ISNA news agencies.
Isa ka politician kag cleric si Mojtaba Khamenei kag may daku nga impluwensya sa administrators kag sa Islamic Revolutionary Guard Corps, apang indi siya tuman ka bantog sa Iran. Madamo man ang nagamuno nga kulang ini sa religious credentials nga ginakaptan sang iya amay nga amo anay ang nagpamuno sa clerical regime — nga amo ang naga-claim nga naga-represent sang “pagbuot sang Diyos” sa kalibutan.
Ang Supreme Leader amo ang “Supreme Leadership Authority”, ang de jure head sang state, kag ang pinakamataas nga political kag religious authority sang Iran nga mas mataas pa sa presidente.
Napaidalom sa iya ang armed forces, judiciary, state radio and television, kag iban pa nga government organizations kaangay sang Guardian Council and Expediency Discernment Council.
Sandig sa constitution, ang supreme leader amo ang naga-deliher sang general policies sang Islamic Republic, naga-supervise sa legislature, judiciary, kag sa executive branches.
Sa bahin sang Israel Defense Forces, nagpaandam ini nga puntariyahon nila kun sin-o man ang magabulos sa pwesto bilang Supreme Leader.
Una naman nagbuya sang kaugalingon nga paandam si US President Donald Trump nga indi magdugay ang bag-o nga lider sang Iran kun indi pagkuhaon ang iya nga approval.
“They are wasting their time. Khamenei’s son is a lightweight. I have to be involved in the appointment,” pahayag sini. “Khamenei’s son is unacceptable to me.”
Una naman nagsabat ang Iran nga indi sila magpasugot nga magpasilabot si Trump ukon ang bisan sin-o nga pungsod sa pagpili sang ila bag-o nga Supreme Leader.#
