Pasakaan sang kaso nga double murder ang duha ka suspek nga nagluthang-patay sa mag-business partner sa Barangay Tambal, Janiuay, Iloilo sang nagligad nga Setyembre 20, 2026.
Sa interview sang Bombo Radyo kay Pcapt. Randy Lambungan, hepe sa Janiuay Municipal Police Sataion, iya ginpahayag nga kumpleto na ang ila nga kinahanglanon nga papeles sa pagpasaka sang kaso batok sa mga suspek.
Nahibaluan nga narekober sa Purok 4, Barangay San Vicente, Leganes ang salakyan nga gin-usar sang mga suspek nga sanday Alias Jerome kag iya abyan sang ila gintiro-patay sanday Alias Ailyn kag Alias John Rey.
Suno sa imbestigasyon sang mga kapulisan, love triangle ang motibo sang pagluthang patay sa duwa ka mga biktima nga may ara sang anay nga relasyon ang babayi sa isa sa mga suspek.
Sa karon, nakahanda na ang kaso batok sa mga suspek nga nakilal-an naman sang mga kapulisan.
