Nagpahayag ang pila ka mga Russian soldiers nga nadakpan sa Ukraine nga nahadlok sila nga mangatubang sang firing squad kun magbalik na sila sa Russia.
Sandig sa isa ka Kremlin soldier halin sa 2nd Motor Rifle Division nga nagsungka sa pwersa sang Ukraine, wala pa man siya napatay, “arranged” na ang iya nga lubong sa Russia.
“In Russia, we are already considered dead,” suno sa soldado. “I was given the opportunity to call my parents and they told me that a funeral for me had already been arranged. If we are exchanged, then we will be shot by our own people.”
Isa man ka nadakpan nga soldado ang nagsiling nga ginluthang siya sang iya kaangay nga mga soldado sang gintinguhaan sini nga protektahan ang Ukrainian civilians.
Ang isa sini nga kaupod nga lieutenant halin mismo sa Russian troops ang ginpatay sang ginsalbar sini ang babayi kag ang iya nga iloy.
Matandaan nga sang Pebrero 24, ginmanduan ang mga soldado sang Russia nga makapangluthang sila sang sibilyan sa Kharkiv.Suno sa nadakpan nga soldado, gintiro siya sa tiil.
Ang kaupod sini nga lieutenant ang ginpatay gid sang ila nga mga kaupod sang natalupangdan nga wala sila naga-target sa mga sibilyan.
May yara man sang mga na-intercept nga radio messages kun sa diin nabatian nga nagapamalabag ang mga Russian soldiers nga magpati sa central command orders agud nga pangapinan ang Ukrainian towns.
May pila man ka mga soldado sang Russia nga nagareklamo bangud sa kakulang sang pagkaon kag gatong. ##
