Carles, Iloilo — Isa ka insidente sang pagkulob sang sakayan pandagat ang natabo sa kadagatan nga sakop sang Carles, Iloilo matapos ini maigo sang tatlo ka sunod-sunod nga dalagko nga balod. Ang sakayan, nga ginamaneho sang kapitan nga si Manuel Banes sang Brgy. Poblacion Zone 2, Sitio Calumpang, Estancia, Iloilo, upod ang duha pa ka sakay nga sanday Melvin Parojinog, 26, sang Brgy. Bulaquenia, Estancia kag Neil Bullos, 24, sang Brgy. Tacbuyan, Pabahay Village, Carles, ginkasangkutan sang trahedya sang Huwebes sang hapon.
Sa interview sang Bombo Radyo Iloilo sa kay PO3 Jurada PCG, naghalin sa Estancia ang sakayan kag nakabatyag sang problema sa makina nga nagtugas sang pagka-angkorahe sini. Pagkatapos ma sekyar ang makina, ginpanghaylo nila ang angkla bisan wala pa nagaandar liwat ang makina, wala nila napunggan ang dalagko nga balod nga nagluntad sunod-sunod, rason nga nagkakulob ang sakayan sa 2.75 kilometros kalayuon halin sa shoreline kag 3.69 kilometros gikan sa pinakamalapit nga isla.
May nakalabay nga bangka nga nakakita sang insidente, nakakuha sang litrato kag nakapadala sang mensahe sa Municipal Disaster Risk Reduction and Management sang Carles. Gilayon nga nagbulig ang MDRRMO personnel sa pagtawag sa Coast Guard. Ginkumpirma sang PNP nga yara na sa maayo nga kahimtang ang tatlo ka mga sakay sang bangka kag gindul-ong na pabalik sa Estancia. Ang bangka, subong, yara pa sa tunga sang dagat.
Ginklaro sang lokal nga barangay nga wala sila nagkulang sa pagpahanumdom sang kahingalanon nga seguridad sa kadagatan. Padayon ang pagpaninguha sang mga lokal nga otoridad sa pagpatuman sang safety protocols agud malikawan ang kapareho nga insidente.
By: Bombo Bryan Gonzales
