Nagbungguanay ang duha ka mga salakyan sa atubang sang St. Claire Subdivision, Barangay Hibao-an Norte, Mandurriao, Iloilo City kaina sang kaagahon.
Ini nagresulta sa pag-angkon sang minor injuries sang pito ka mga tawo nga sakay sang duha ka salakyan.
Ang involved nga mga salakyan amo ang isa ka Hyundai Accent nga ginamaneho ni alyas “Jun”, 29 anyos, residente sang San Pedro, Molo; kag isa ka Mitsubishi Xpander nga may lima ka sakay nga ginamaneho ni alyas “AD”, 25 anyos.
Bangud sa impact, nagkaya gid ang Mirtsubishi.
Sa interview sang Bombo Radyo kay Patrolman Arman J. Angcoy, papuli na kuntani sa San Miguel ang Xpander sang natabo ang insidente.
Ginatudlo nga rason amo ang pagpang-agaw sang linya bangud ang driver ang yara sa impluwensya sang makahulubog nga ilimnon.
Sa dugang pa nga pagpangusisa, halin sa smallville ang mga mag-abyan nga sakay sang itom nga Xpander.
Nagapadayon naman ang imbestigasyon sang otoridad sa insidente.
