Nakasulod sa Top 20 sang Miss Grand International swimsuit competition ang pambato sang Pilipinas nga si Samantha Bernardo.
Santo sa post sang official Facebook page sang Miss Grand International, nagapangatlo si Samantha sa top 20 nga ginrelease nga mga pangalan.
Ang listahan ang ginabug-usan sang napulo ka mga kandidata nga napilian sang online voters kag napulo man nga napilian sang mga hurado.
Si Samantha ang yara sa linya sang napilian sang online voters.
Madumduman nga gindayaw gid sang mga beauty pageant fans ang Granada Walk ni Samantha.
Halin sa top 20, 10 ka mga kandidata ang makasulod sa next round kun sa diin lima sa ila ang magahalin liwat sa resulta sang online voting samtang lima ang pilion sang judges.
Ang coronation night ang patigayunon sa Marso 27 sa Bangkok, Thailand.
