Natalana nga magdeklarar sang state of calamity bangud sa halit sang weak El Niño ang banwa sang San Dionisio, Iloilo.
Sa interview sang Bombo Radyo kay San Dionisio Mayor Larry Villanueva, iya ginpahayag nga nagpasar na sang resolution ang Municipal Disaster Risk Reduction and Management Office (MDRRMO) sang banwa.
Suno kay Villanueva ,ini ang iga -endorso nila sa Sangguniang Bayan agud mapaidalom sa deliberasyon antes makadeklarar sang state of calamity.
Ginpahayag sang alkalde nga kapin sa 70% ang nabuhin sa suplay sang tubig sa banwa bangud sa pagmala sang mga tuburan kag mangin sang mga water impounding facility.
Dugang pa niya, halos tanan nga humayan ang nagkalalaya na kag kapin sa katunga sang produksyon sang mais naman ang nadula bangud sa tuman nga kainit.
