Nagguwa sa pagtuon sang Philippine Survey and Research Center (PSRC) kag Gallup International Association (GIA) sang 2024 nga isa ang Pilipinas sa pinakamalipayon kag pinaka-positibo nga mga pungsod sa kalibutan.
Base sa GIA End of Year Survey, nagpang-siyam ang Pilipinas sa participating countries nga may net happiness score nga 60% nga lapaw sa global average nga 46%. Nanguna naman sa listahan sang happiest countries ang China kag ginasundan sang Indonesia, Mexico kag Kazakhstan.
Kun basehan ang rehiyon, ang Southeast Asians ang pinakamalipayon nga may 73%; ang South Asia ang pinaka-indi malipayon (36%).
May 40% nga net optimism naman ang Pilipinas rason nga nagposisyon sang pangalan sini bilang top Asian nation nga may positibo nga panan-awan sa 2025. Mataas ang rating nga ini ipaanggid sa global average nga 17%.
Sandig pa sa survey sang GIA, ang Saudi Arabians ang most optimistic para sa 2025 nga may 82% samtang ang Austrians naman ang most concerned bangud 15% lamang ang may positivity.
“The Philippines still performs above global average on happiness and hope. A lot of this positive sentiment is driven by younger and upper/middle income segments. This is in spite of economic difficulties and multiple typhoons in 2024.,” base sa report.
Apang may dugang nga nakabutang sa report nga kinahanglan man i-address sang nasyon: “This is a big challenge for aspiring leaders, as Philippines enters the midterm elections in 2025. While the Philippines remains a nation of resilience, keeping their positive disposition high, leaders need to be on the lookout for what will happen next. There will be needs in gaining back confidence and strengthening the disposition of Filipinos.”
Ini nga worldwide study naga-cover sang 37,338 persons sa 37 ka mga pungsod.
Diri sa Pilipinas, gin-conduct ang face-to-face interviews sa 1,000 ka randomly sampled respondents nga babaye kag lalaki, 18-anyos pasaka, halin sa nationwide urban kag rural areas kag tanan nga socio-economic classes. #
(Photo: Philippines Surf Adventure)
