Ginpanginwala ni Vice President Sara Duterte ang panibag-o nga alegasyon batok sa iya kun sa diin ginpahayag nga nakit-an ini kag ang iya amay nga si anay Presidente Rodrigo Duterte nga may dala nga mga bag kag may unod nga mga armas halin sa self-proclaimed Apointed Son of God nga si Pastor Apollo Quiboloy.
“Hindi ko ikakagulat kung dumami pa ang mga kaso, imbestigasyon, testigo, paratang, atake, at paninira laban sa akin sa mga susunod na araw, lingo, buwan, at mga taon,” suno sa bise-presidente.
Base sa maragtas suno kay Duterte, ang bise-presidente gid man ang masami nga gina-puntariya sang mga pagpang-atake bangud ini ang nagatindog nga balabag sa mga nagahandum nga mangin presidente.
“Sa kasaysayan ng Pilipinas, naging kagawian na ang pag-atake at pagbato ng sari-saring isyu laban sa Bise Presidente. Marahil, sapagkat ang Bise Presidente ang tumatayong pangunahing hadlang sa mga nangangarap maging Pangulo,” pahayag sini.
Dugang pa sini: “Naniniwala ako na may tamang panahon para sa lahat. Panahon ngayon ng aking pagtatrabaho. Tutuparin ko ang sinumpaang tungkulin.”
Matandaan nga si alias Rene nga nagtestigo sa hearing sa senado sang nagligad nga Lunes ang nagsiling nga nakit-an niya ang mag-amay nga Duterte nga may dala nga mga bag nga may unod nga armas halin sa Glory Mountain, isa ka propiedad nga ginaalegar ginapanag-iyahan ni Quiboloy sa Davao City.
Sang Enero, may isa man ka former Davao police officer nga si Arturo “Arthur” Lascañas nga nag-alegar nga myembro anay sang Davao Death Squad kun sa diin iya gin-claim nga si Sara Duterte amo ang yara sa likod sang Oplan Tokhang sa Davao City.
