Gin-ako ni Councilor Rex Marcus Sarabia nga limitado ang otoridad sang City Council kag nagakadapat nga ang ICI ang mag-imbestigar sini lakip na ang ginapasuni nga ghost project sa Batiano River.
Matandaan nga ginsabat ni Congresswoman Baronda ang pamangkot sa ginpatigayon nga People’s meeting sang nagligad nga semana kag ginklaro nga wala sang ghost project sa siyudad.
Dugang ni Sarabia, ang ginapatigayon nga People’s meeting sa kongresista kag Department of Public Works and Highways (DPWH) ang isa lamang ka General statement para sa mga pumuluyo kag wala ginapunto ang problema sa baha.
Pahayag pa sang konsehal, wala sang klaro nga sabat nga nakuha ang mga pumuluyo sa ginahambal sang DPWH kag Office of the Lone District Representative sa ginhimo nga People’s Meeting.
Handa naman si Sarabia nga magpa-utod sang ulo kun may makita nga nahuman nga proyekto partikular sa Batiano River.
