Na-indict ang rapper kag singer nga si Sean Kingston kag ang iya iloy kasunod sang federal charges sa South Florida sa pagkomiter sang masobra sa $1 million nga fraud.
Nagpakita man ang 34-anyos nga artist kag 61-anyos nga iloy sa federal court suno sa court records.
Matandaan nga ang grand jury sa Miami ang nag-charge sa ila sang tag-isa ka count sang “conspiracy to commit wire fraud” kag five counts sa wire fraud.
Ginbase ini sa ila nga gina-alegar involvement sa scheme agud nga intuon ang sellers sang high-end vehicles, jewelry kag iban pa nga goods nga nabakal paagi sa paggamit sang fraudulent documents.
Pananglitan ma-convict, kada isa sa ila ang mangatubang sang maximum nga 20 ka tuig nga pagkapreso sa kada count.
Kilala si Kingston sa iya debut single nga “Beautiful Girls” kag nakatrabaho man kaupod kanday Justin Bieber, Nicki Minaj kag Wyclef Jean.
