Ginaselebrar subong nga adlaw ang ika -160 nga anibersaryo sang Jaro bilang isa ka Diocese.
Santo sa maragtas sang Jaro, opisyal nga ginkilala ini bilang diocese paagi sa Papal Bull “Qui Ab Initio”, nga gin-isyu ni Pope Pius IX” sang Mayo 27, 1865, kun sa diin si St. Elizabeth of Hungary amo ang patron saint.
Sa interview sang Bombo Radyo kay Rev. Fr. Angelo Colada, director sang Commission on Social Communications sang Archdiocese of Jaro, iya ginpahayag nga sa sini man nga adlaw ginlunsar ang ika-75 nga anibersaryo sang Jaro bilang isa ka Archdiocese humalin sang gin-elevate ini bilang Metropolitan Archdiocese sang Hunyo 29, 1951.
Suno kay Fr. Colada, isa ka tuig ini nga selebrasyon sang Archdiocese kag may yara sang mga aktibidad kaangot sa selebrasyon.
Pahayag ni Colada, nagapanguna nga aktibidad diri amo ang paglibot sang pilgrim image ni Nuestra Señora de la Candelaria sa mga simbahan nga sakop sang archdiocese of Jaro.
Dal-on man ini sa iban nga Archdiocese sa Western Visayas.
Dugang ni Colada, ginaplanuhan pa subong ang iban nga mga aktibidad may kaangtanan sa isa ka tuig nga selebrasyon.
