Ginpagguwa na sa publiko ni Senador Erwin Tulfo ang iya Statement of Assets, Liabilities, and Net Worth (SALN), sa diin nagagguwa nga nagalab-ot sa masobra P497 billion ang iya kabug-usan nga manggad as of June 30, 2025.
Si Tulfo subong ang ginakabig nga “richest Senador.”
Base sa certified true copy sang SALN nga ginpagguwa sang talatapan ni Senate Secretary Atty. Renato Bantug Jr., may mga utang si Tulfo, lakip ang apat ka personal loan, car loan, credit card, kag insurance nga nagalab-ot sa masora P159 million.
Sa kapareho nga dokumento, naglab-ot sa masobra P210 million ang kabug-usan nga balor sang mga real properties sang senador lakip ang 11 ka mga residential lots kag isa ka agricultural land.
Samtang, naglab-ot naman sa masobra P445 million ang kantidad sang mga personal nga manggad sang senador.
Lakip diri ang mga alahas, kwarta sa bank, share of stocks, mga kagamitan, investments, mga salakyan kag 4 ka mga armas.
Yara sa 11 ang mga salakyan ni Tulfo kun sa diin ang pinakamahal ang nagalab-ot sa P30 million nga ginbakal sang 2021.
Base pa sa SALN, may yara sang lima ka business interest si Senador Tulfo.
Yara man sa apat ang mga himata ni Tulfo nga naga-trabaho sa gobyerno lakip ang mag-asawa nga Raffy kag Jocelyn Tulfo, isa ka hinablos kag bata.
Sa pihak nga bahin, walo nalang ka mga senador ang wala nakapagguwa sang ila mga SALN sa publiko, kag ini ang ginalakipan nanday Senator Alan Peter Cayetano, Bato dela Rosa, Jinggoy Estrada, Rodante Marcoleta, Imee Marcos, Camille Villar, kag Mark Villar.
Nauna na nga nagpagguwa sang SALN ang pila ka mga lawmakers kasunod sang panawagan sang publiko nga transparency kag accountability sa tunga sang isyu sang korapsyon.
, sa diin nagagguwa nga nagalab-ot sa masobra P497 billion ang iya kabug-usan nga manggad as of June 30, 2025. Si Tulfo subong ang ginakabig nga "richest Senador."){kind=link}