Ginkwestyon ni Senator-Judge Erwin Tulfo kun paano i-apply ang 16-vote conviction threshold kun may apat ka mga senador nga wala nagapartisipar sa nagapadayon nga impeachment trial.
Apang gin-athag niya nga wala niya ginatuyo nga panubuan ang requirement.
Suno sa senador, ang ginapunto lang niya amo nga mag-refer sa tanan nga members, sin-o gid ang ginaisip nila?
Nagpaandam si Tulfo nga ang strikto nga interpretasyon sang Konstitusyon ang mahimo may negatibo nga epekto sa mandato sini nga mapasabat ang mga public officials kun ilakip gihapon sa pagdeterminar sang numero sang boto ang mga senador nga indi man makapartisipar sa trial.
Gin-request sini sa impeachment court nga i-review ang amo nga threshold.
Ginpunto sini ang estado sang iban nga senador kaangay nanday Senator Loren Legarda nga yara sa luwas sang pungsod kag yara sa idalom sang medical leave, Senator Bato dela Rosa nga nagapanago, kag Senators Jinggoy Estrada kag Rodante Marcoleta nga yara sa presohan bangud sa plunder charges.
