Napirmahan na ni Senator Sherwin Gatchalian ang mga payroll checks sang mga empleyado sang Senado apisar sa mainit nga isyu sa liderato sang upper chamber.
Suno kay Gatchalian ginakilala ini sang mga financial institution bilang awtorisado nga pirmahan ang mga transaksyon sang Senado.
Ginpasiguro man sini nga indi maapektuhan ang sweldo kag mga benepisyo sang kapin 2,000 ka mga empleyado apisar pa sa nagapadayon nga isyu sa Senado.
Madumduman nga padayon ang indi pag-intindihanay sa liderato sang Senado sa tunga sang faction ni Gatchalian kag ni Senate President Alan Peter Cayetano.
Una na nga nagsugot si Cayetano sang isa ka power-sharing arrangement agud mapadayon ang matawhay nga operasyon sang Senado, apang ginpamatukan ini ni Gatchalian.
Apisar pa sang tensyon sa pulitika, ginpabutyag ni Gatchalian nga nagapadayon ang buluhaton sang Senado kag padayon man ini nga nagatuman sang mga obligasyon sini sa mga empleyado.
