Naka recover na si Sen. Miguel Zubiri matapos nga magpositibo sa COVID-19.
Paagi sa iya nga social media account, ginpakigbahin sang Senador ang maayo nga balita nga nagnegatibo na siya sa COVID-19 sa ika-duha nga test nga ginpatigayon sang Makati City Health Office.
Suno kay Zubiri, tuman ang iya pagpasalamat sa Ginoo sa ginhatag nga ika-duha nga kabuhi bangud sa pag-ayo niya sa nasambit nga balatian.
Nahibaluan nga si Zubiri na ang ika-duha nga senador nga nag-ayo gikan sa COVID-19.
Madumduman nga sang gintalikdan nga Abril 6, gin-anunsyo man ni Senator Sonny Angara nga negatibo na sya sa nasambit nga balatian.
