Napabilin ni Tropical Depression Querubin ang iya kabaskugon samtang yara sa baybayon sa nasidlangan sang Mindanao.
Ang sentro sini ang ginabanta nga yara sa kalayuon nga 230 km East sang Davao City ukon 205 km East of Tagum City, Davao del Norte.
Nagahulag ini pa north northwestward sa kadasigon nga 10 km/h.
Dala sini ang kabaskugon sang hangin nga nagadangat sa 45 km/h malapit sa sentro kag pagmadlos nga tubtob sa 55 km/h.
Mangin low pressure area na lang ini sa masunod nga 24 oras.
Sa subong, nabatak ang Signal No. 1 sa Davao Oriental bangud sa Tropical Depression Querubin.
