Naghingyo ang Office of the Ombudsman sa Sandiganbayan nga mag-isyu sang precautionary hold departure order batok kay former Senate President kag incumbent Senator Francis Joseph “Chiz” Escudero.
Lakip man sa travel restriction request amo ang negosyante nga si Maynard Ngu nga amo ang ginaalegar nga “bagman” ni Escudero kaangot sa ginaalegar nga kaangtanan sa flood control corruption scandal.
Si Escudero ang nangin masunod nga target sang Ombudsman matapos nga gin-grant anay sang Seventh Division sang Sandiganbayan ang nauna nga request nga magpagwa man sang kaangay nga precautionary hold departure order batok kay former House Speaker Martin Romualdez.
Pananglitan i-grant ini, magakahulugan ini nga indi pwede makabyahe sa luwas sang pungsod si Escudero.
Suno kay Ombudsman Jesus Crispin “Boying” Remulla, ini nga lihok ang naangot sa mga panumbungon nga plunder, graft, kag bribery batok sa anay Senate President.
Nauna nga nagguwa ang pangalan ni Escudero sa flood control scandal sang nabalahuba nga ang iya nagapanguna nga campaign donor amo si Lawrence Lubiano nga president sang Centerways Construction and Development Inc.
Pagkatapos sini, nagguwa man si former Department of Public Works and Highways undersecretary Roberto Bernardo kag gin-implicate si Escudero sa alleged corruption.
Gin-alegar sini nga nakabaton si Escudero sang P160-million nga kickback.
Gin-alegar anay ni Bernardo nga personal sini nga gindul-ong ang kuwarta kay Ngu nga amo naman ang ginaalegar nga tiglawas ni Escudero.
