ILOILO CITY- Nakuhaan sang masobra P300,000 nga balor sang ginasuspetsahan nga shabu ang isa ka shomai vendor sa Zone 2, Brgy. Baldoza, La Paz, Iloilo City.
Ang nadakpan amo si Alyas Ulpok, 44-anyos, kag residente man sa nasambit nga barangay.
Sa interview sang Bombo Radyo kay Police Lieutenant Nick Gallego, team leader sang City Drug Enforcement Unit, iya ginpahayag nga nagdangat sa tatlo ka semana ang monitoring kay Alyas Ulpok.
Suno kay Plt. Gallego nga nagakatabo ang transaction sang subject sa sulod mismo sang iya balay.
Dugang pa sang natungdan nga ini siya ang nagbulos sa anay nadakpan nila sa ila operation sang damlag lang.
Nakuha ang ginabanta 50 grams nga kabug-aton sang ginapasuni shabu nga may standard drug price nga P340,000.
Preso subong sa La Paz Police Station ang subject kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
