GUIMARAS– Nagpanghatag sang ila bulig para sa mga frontliners ang katapo sang Sannguniang Kabataan sa Probinsya sang Guimaras.
Sa interview sang Bombo Radyo kay Sangguniang Kabataan Federation President, Andrew James Segovia, iya ginpahayag nga naghatag sila sang mga pagkaon, vitamins, sanitizers, calamansi juice para sa mga kapulisan kag health workers nga yara sa Checkpoint.
Suno kay Segovia, nagtinguha sila agud makatipon sang nasambit nga mga donasyon agud makabulig sila sa mga frontliners pinaagi sa ila kaugalingon nga pamaagi.
Pahayag pa ni Segovia, nagbululigay sila nagikan sa lima ka banwa agud maka-kolekta sang nagakaigo nga kinahanglanon.
Nagpanawagan man si Segovia sa mga kabataan nga magpabilin sa ila balay kag sundon ang mga panugyan , bilang pamaagi agud makabulig sa mga frontliners.
