Patay ang isa ka snatcher matapos nga naglumpat sa Pasig River agud palagyuhan ang mga lalaki nga nagalagas sa iya sa Binondo, Manila.
Ang biktima amo si alyas “Mike”, 18-anyos, kag may rekord na sadto sa insidente sang pagpangawat sang cellphone.
Na-retrieve sang Philippine Coast Guard ang lawas sang biktima nga nagalutaw sa suba pila ka oras matapos ini naglumpat.
Base sa impormasyon, ang biktima kag ang isa pa ka lalaki ang ginlagas sang mga lalaki nga sakay sang isa ka kotse.
Agud makapalagyo ang duha, naglumpat sila sa suba apang ang isa lang ang nakatakas sa tubig kag ginapangita pa agud mapangayuan sang pahayag.
