Ginbuno sang isa ka solterito anga kaangay man niya nga estudyante sa sulod mismo sang ila eskwelahan.
Ang biktima amo si alyas “Glen”, 15-anyos, Grade 8 learner kag residente sang Brgy. Sampaloc 4, Dasmariñas City, Cavite.
Ang suspek naman amo si alyas “Ranz”, 14-anyos, residente sang Brgy. San Simon sa amo nga syudad.
Pareho nga estudyante sang Dasmariñas East Integrated High School ang duwa.
Ginpahayag nga may daan na nga hiligit-anon ang mga ini.
Natabo ang pagbuno sang suspek sa biktima sang tion sang recess sang hinali lang nagpalapit si alyas Ranz kag gindusakan sang kutsilyo si alyas Glen.
Naigo sa likod ang biktima kag madasig nga gindala sa ospital.
Yara naman sa kustodiya sang City Social Welfare and Development (CSWD) para magpaidalom sa intervention program ang suspek nga ginakabig nga Child at Risk (CAR).
