Ginbawian gid sang kabuhi ang 15-anyos nga solterito nga nagsarurot sa suba sang Brgy. Rizal, Lapaz, Iloilo samtang nagapaligo kaupod ang iya mga abyan.
Ang biktima amo si alyas AJ, pumuluyo sang Barangay McArthur, La Paz, Iloilo City.
Pila man ka oras nga ginpangita si AJ matapos wala ini nakabutwa kag nakit-an ini pasado las-6 sang gab-i.
Nagbuligay ang Philippine Coast Guard kag pila ka mga rescue volunteer groups para makita ang solterito.
Ginabanta nga 50 metros ang distansiya halin sa lugar nga ginlumpatan niya tubtob sa porsyon kun sa diin siya nakita nga nagalutaw.
