Ginkumpirma sang developers sang Sputnik V coronavirus vaccine sang Russia nga 95 percent nga epektibo ang ila bakuna kun basehan ang second interim analysis sang clinical trial data.
Ini nga bakuna ang mangin available na sa international market sang less than $10 ang kada dose.
Himuon naman ini nga libre para sa mga Russian citizens.
Una diri, ginpahayag ni Philippine Ambassador to Moscow Carlos Sorreta nga posible umpisahan sang Russia ang production sang COVID-19 vaccine candidate para sa Pilipinas sa Enero sa masunod nga tuig kun handa na ang pungsod nga batunon ang ila nga bakuna.
Matandaan nga una naman nagpahayag si Presidente Rodrigo Duterte nga mas pilion niya ang mga bakuna nga ginadevelop sang Russia kag China bangud ginapahayag nga nagapangayo sang advance payment ang iban nga mga pungsod.
