ILOILO – Nagpadulong sa probinsya sang Guimaras ang mga semenarista sang St. Vincent Ferrer seminary agud mang-imbitar sa mga estudyante nga magsulod sa seminaryo kag sabton ang ila nga bokasyon.
Sa interview sang Bombo Radyo kay Sebastian Armada, isa ka seminarista, iya ginpahayag nga sa subong, naganubo ang numero sang mga nagasulod sa seminaryo agud mangin pari bangud sa impluwensya sang social media sa mga pamatan-on.
Suno kay Armada, madamo ang mas nagapili nga maghampang sang mobile phones rason nga dako ang nangin epekto sini sa ila interes sa pagsulod sa seminaryo.
Bukas ang St. Vincent Ferrer humalin alas otso sang aga tubtob alas dose sa udto agud magbaton sang mga aplikante kag libre naman ang pagkuha sang entrance exam.
