ILOILO CITY – Suportado sang sugar producer’s group ang plano nga ginaduso ni President Ferdinand Marcos Jr. nga buhion ang Philippine Sugar Corporation.
Ang Philippine Sugar Corporation ang isa ka government-owned kag controlled corporation nga gin-abolish sang 2018 bangud sa overlapping functions sa Sugar Regulatory Administration.
Apang ginpamatukan sang United Sugar Producers Federation of the Philippines.
Suno kay Presidente kag Agriculture Secretary Marcos, ang pag-revive sang Philippine Sugar Corporation ang isa lang ka pamaagi agud mapasanyog ang sugar production kag mapabaskog ang local sugar industry sa Pilipinas.
Matandaan nga ginaprubahan sang presidente ang pagdugang sang importasyon sang kalamay nga nagdangat sa 150,000 metric tons agud ma-stabilize ang padayon nga pagtaas sang presyo sini kag sang inflation.
